夏薩特續約條件：請施丹來教
20190214
東網電視
更多新聞短片
(Getty Images)
車路士上場英超慘吞曼城6蛋之後，領隊沙利隨時會被炒，唔少名帥成為車仔新領隊人選，包括法國球王施丹，車仔球星夏薩特亦力撐呢位前皇馬教練上「車」，英國《每日郵報》爆料，只要車仔請到施丹領軍，夏薩特就會續約。
夏薩特可以話係車仔領隊「造王者」，曾經傳佢同隊友夾計整走前領隊摩連奴，早前爆出佢同沙利關係欠佳，球隊成績立即急插水，沙利好可能下台。
「夏神」依家心儀由施丹「揸車」，相信高層都會順佢意，特別係夏薩特將於明年約滿，球會為留住呢位鎮隊之寶，更加要聽晒佢話。
英國《太陽報》指施丹已經接受車路士邀請，只要等埋傾完合約細節，就可以成事。到時施丹加夏薩特呢個將帥組合，車路士踢法一定好睇。
東網體育FB同你追實體壇每個精彩時刻！
Follow東網體育IG一齊撐本地運動員！