東網免費直播德乙 創富Form陪你睇入球騷

20190216
東網電視
更多新聞短片
收看直播,請按直播ICON,或按下面鏈結:
嚟到星期五又到「創富Form」時間,上星期科隆對聖保利,賽前上盤、入球大,走地兩注入球大全中,跟實我哋實冇錯;而到呢個星期就犀利啦!由德乙兩隊火力最猛嘅球隊正面交鋒,入波想少都難。
今晚直播戲碼由柏達邦大戰科隆,柏達邦歇冬後輸完即時反底,一連三場連同盃賽狂轟十一粒,今次有主場之利更唔會死守;科隆最大問題係唔知莫迪斯迪幾時出得,不過祖安哥度巴上場突然好生性大演帽子戲法,加埋入咗超過廿球嘅泰洛迪,呢場都好難會少入球,不過留意今場莊家都絕非阿蒙,入球大細開到3.5中位數,一於買注半場大睇住波先,再喺我哋東網體育FB留言,一齊搵下進一步投注策略。
祖記有策略 臨場跟住玩
同晚都有唔少波打要有啲投注策略,祖記主場對費辛隆尼牌面上贏硬,但費辛隆尼上周爆出驚人冷門擊敗森多,士氣唔差之餘,呢場祖記因應下周有歐聯戰線必大幅留力,呢場賽前先買一口讓球主客和和局,等即場祖記拉開到兩球距離即補入球細,萬無一失。另外拜仁及里昂同有歐戰之憂,當中拜仁今季成績本來就唔好,作客又同樣讓到-2,策略上同祖記一場完全一樣;里昂上場圍攻尼斯下反輸一個十二碼,呢隊波近兩季不時會有呢種唔夠運情況出現不用太上心,呢場對甘岡有主場優勢當然贏面高,反之甘岡如太早失波又可能引致聖日耳門一仗般大敗,先買半場主勝,早出現入球走地追上4:0、4:1波膽。
柏達邦 vs 科隆
2.16(六) 1:30am