歐聯有乜差池 祖雲達斯三揀一頂阿里基
20190216
東網電視
更多新聞短片
（互聯網）
祖雲達斯教練阿里基，14年成為斑馬兵團教頭後，已連續4季取得意甲冠軍，今季球隊引入C朗，於聯賽優勢更為明顯，目前高踞榜首位置，領先次席拿玻里達11分，睇嚟阿里基意甲五連霸冇乜難度。自上任後聯賽冠軍全成囊中物，但唔代表帥位穩陣，意媒Tuttosport就透露，若祖記本屆歐聯早早出局的話，阿里基就會被炒。
於祖記高層眼中，攞意甲冠軍幾乎已成基本，最唔係咩突出成就。阿里基帶領祖記於15年同17年均殺入歐聯決賽，但最後都未能奪標，今季買埋C朗，就係希望染指呢項大賽錦標。祖記於16強將鬥馬體會，Tuttosport指若祖記出局，高層就會搵以下三位其中一個，去取代阿里基。
祖記頭號目標係施丹。呢名主帥上屆完成歐聯三連霸，而且又係祖記前球員，所以成為球隊第一選擇。利物浦領隊高普帶領利物浦打入上屆歐聯決賽，本季又挑戰英超冠軍，祖記好欣賞呢名德國主帥。另外球隊前教練迪甘斯，帶領法國勇奪俄羅斯世界盃，亦列於祖記名單之中。
支持本地運動齊去「睇體」！
東網體育FB同你追實體壇每個精彩時刻！