總結:召喚飛雲!當錫堅有機打明星賽

20190216
東網電視
更多新聞短片
當錫喺新秀賽表現普通。(互聯網)
NBA明星周末新秀賽上演得分大戰,結果美國隊以161:144擊敗世界隊,古斯馬攻入35分當選MVP,仲打破高比拜仁保持嘅得分紀錄,不過球迷最關心嘅可能係當錫,佢堅有機打明星賽!
傳聞湖人計劃用古斯馬作為交易條件之一,簽入塘鵝嘅安東尼戴維斯,據講佢知道後超不爽,當新秀賽係發洩場地,第1節打咗5分鐘已經攻入14分,包括有爆樽有3分,下半場佢出場時間唔多,全場依然有35分、6個籃板同2次助攻。
今次古斯馬攻入35分,打破原本由高比拜仁保持,湖人球員喺新秀賽得到嘅31分最高得分紀錄,相反,世界隊嘅施蒙斯有28分、5個籃板同6次助攻,依然拯救唔到球隊,關鍵係當錫半場得3分,全場得13分、5個籃板同9次助攻。
雖然當錫喺新秀賽表現冇咩特別,但安東尼戴維斯喺明星賽前受傷,根據NBA官方宣傳短片顯示,佢有可能以替補身份,進入聯盟第1年即刻打明星賽,宣傳短片咁形容佢:「佢根本唔係普通新秀,當錫嘅傳球魔術會喺明星賽上首次閃耀!」
最新賽果
美國 161:144 世界隊
支持本地運動員,一齊去「睇體」!
東網體育FB同你追實體壇每個精彩時刻!