东网电视
更多新闻短片
（互联网）
曼联前锋阿历斯山齐士，已经加盟红魔鬼13个月，但表现一直强差人意。刚于联赛对李斯特城，以及欧联对巴黎圣日耳门后备入替，A山都好似隐形人一样，其中斗PSG，更录得零射门、零出波、零盘扭、零关键传送嘅黐线数据，连领队苏斯克查赛后都话，佢做唔到啲咩可以帮A山。
但失望过后，苏B就用金句为A山解围：“所有球员都遇过低潮。但如果你系有料，始终都会复苏。大家都遇过茄汁塞于瓶颈，倒极都唔出；但一旦茄汁可以倒出来，就会疯狂冲出。A山亦都系一样，当佢终于取得重要入球嘅时候，入波就会陆续有来。我嚟到曼联两个月，A山有部份时间有伤在身，冇可能要佢即时回勇。但我可以肯定于季尾之前，A山可以有所表现。”
A山喺早前接受访问，佢都话目前表现不似预期：“以我身价同级数，我知道依家就要有所表现，已经冇时间嘥，老实讲真系感到担心。”
支持本地运动员，一齐去“睇体”！
东网体育FB同你追实体坛每个精彩时刻！
