唔係卦？泰臣想同銀背大猩猩隻揪
20190225
東網電視
更多新聞短片
泰臣想同銀背大猩猩揪過？英國傳媒近日爆料，呢位昔日重量級拳王，喺上世紀80年代，真係曾經畀錢一個動物園職員，要求佢打開個籠畀佢入去打猩猩，好彩動物園啲人拒絕咗，否則泰臣應該生存唔到今日。
《太陽報》話，三十幾年前有一次泰臣同老行動物園，發覺有隻銀背大猩猩蝦緊同伴，突然間正氣上腦，走去揾動物園職員話願意畀1萬美元做代價，希望對方打開個籠，等佢入去「打爆大猩猩個鼻」。動物園職員冇佢咁癲，自不然一口拒絕。
當正自己係無敵拳霸嘅泰臣，可能唔知道猩猩係靈長類動物入面，體型最健碩嘅，平均體重達250公斤，銀背大猩猩更加係大力神，可以舉起比正常人大20倍嘅嘢，據講最大出拳力度達到1噸，足夠打裂鋼化玻璃，加埋有兩隻長達5厘米嘅犬齒，攻擊力爆燈。雖然泰臣嘅力量測試中，證明佢嘅拳擊力度有成500至800公斤，又有咬甩過荷利菲特一忽耳仔嘅往績，行徑拍得住銀背大猩猩，但係講到隻揪，佢應該衰梗畀猩猩啩。
支持本地運動齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！