細哨有個15歲囝囝!靚仔過老竇好多喎!

20190308
東網電視
更多新聞短片
大玩家「細哨」咁失策,居然有個成15歲嘅囝囝?冇點你!前巴西國腳朗拿甸奴出名係情種,閱女無數,冇人諗過佢會留手尾畀自己,點知最近佢老人家公開證實有個仔,仲要剛啱15歲生日添,令全世界跌晒眼鏡。
「細哨」獵艷戰績好豐富,絕對唔會輸蝕畀佢嘅大賽紀錄,家陣年紀大咗「定性咗」,都有兩個老婆。以佢呢種玩家,按理唔會立亂播種,不過佢近日公開咗同囝囝João Mendes嘅相,仲留言「阿仔生日快樂!我嘅朋友,我嘅拍檔‧‧‧‧‧‧我祝你一生幸福!記得乜都預埋我!我愛你!」
原來João Mendes係朗拿甸奴十幾年前,同前電視節目「Domingão do Faustão」嘅舞蹈藝員Janaína Natielle嘅激情結晶品。據講呢個細路都繼承咗老竇嘅足球天賦踢得兩嘴,目前喺高士路學緊嘢,話唔埋過兩、三年大家會喺巴甲見到佢。
支持本地運動齊去「睇體」!
東網體育FB同你追實體壇每個精彩時刻!
Follow東網體育IG一齊撐本地運動員!