【有片】蘇亞雷斯踩人竟獲12碼！咩世界？
20190314
東網電視
更多新聞短片
蘇亞雷斯博12碼：https://bit.ly/2CjUqCG
巴塞隆拿周四(14號)歐聯16強次回合，主場5比1大炒里昂晉級，睇比數好似冇乜好拗，不過巴塞隆拿上半場先開紀錄個12碼，其實就有極大爭議！里昂今場擺出死守陣式，點知開波18分鐘就出事，蘇亞雷斯殺入禁區後被里昂後衞積臣丹拿雅飛鏟，球證立即判罰12碼，不過事實係蘇亞雷斯踩落積臣丹拿雅隻腳上面，「踩人12碼」係咩玩法？
蘇亞雷斯賽後承認：「係我唔小心踩落積臣丹拿雅隻腳度，之後就失平衡跌低，球證其實可吹可唔吹。」蘇亞雷斯當然就講得輕鬆，但里昂會長奧拿斯就嬲到爆：「呢個12碼判決非常瘋癲，里昂唔係勁過巴塞隆拿，但個賽果反映唔到事實。」
東網體育FB同你追實體壇每個精彩時刻！
支持本地運動員，一齊去「睇體」！