【人物誌】西班牙30歲新國腳 有鋪露體癮?

20190316
東網電視
更多新聞短片
西班牙國家隊日前公布最新大軍名單,當中最意外嘅係基達菲前鋒謝美馬達首度入圍,呢位30歲嘅射手喺25歲先至踢職業聯賽,今季更係第1年出戰頂級聯賽,大器晚成嘅佢把握機會,目前有13個西甲入波排射手榜第5位,今次入選西班牙國家隊,係佢努力嘅最好回報。
馬德里出世嘅謝美馬達,足球生涯一直係低組別打滾,2014年加盟基羅納嗰陣,25歲仔先首次踢西乙,2016年佢轉會華拉度列,上季喺西乙喪入33球帶領球隊升班,不過隨即以自由身轉投基達菲,而且表現未有令新球會失望,目前13個入波係西甲入面本土球員第1位,獲安歷基垂青亦係順理成章。
謝美馬達入選國家隊後,網上突然流傳佢初出道嗰陣露體相,但其實全部都係佢嘅辛酸往事!謝美馬達喺10年前效力丙組球會比加索(Pegaso)嗰陣,曾經因為被球會拖糧4個月,所以同隊友喺造訪皇馬基地時剝光衫褲,只用印上銀行戶口數字嘅白紙遮住重要部位,之後喺訓練場亦同隊友齊齊「除褲」抗議。30歲終於踏上青雲路,可以話係苦盡甘來。
出生日期:1988年10月24日
國籍:西班牙
位置:前鋒
身高:1米85
東網體育FB同你追實體壇每個精彩時刻!
支持本地運動員,一齊去「睇體」!