【施丹回歸】老細要尼馬 丹爺偏愛麥巴比
20190316
東網電視
更多新聞短片
施丹回巢執教皇家馬德里令人意外，傳聞皇馬會長皮里茲能夠說服施丹返嚟，係因為向佢保證夏天會有「超級收購」。傳聞中皇馬嘅收購名單水蛇春咁長，夏薩特、尼馬、基利安麥巴比、基斯甸艾歷臣、穆罕默德沙拿、沙迪奧文尼、史達寧等等都榜上有名，不過西班牙《阿斯報》爆料，施丹同皮里茲就心水人選竟然出現分歧！
《阿斯報》爆料，皇家馬德里對尼馬嘅斟介，完全係出於會長皮里茲嘅個人心頭好，雖然施丹都認同尼馬嘅實力，但佢對於呢位巴西球星嘅花邊新聞，以及經常飛返巴西嘅做法好顧忌，所以寧願將資金投放喺其他球員身上，基利安麥巴比就係施丹最想得到球員。
皇馬對切爾達前記招，施丹被問到轉會問題嗰陣，強調「依家唔係合適時候(談論轉會)」，但被追問想唔想同基利安麥巴比合作，施丹始終忍唔住露口風：「同其他好波嘅球員一樣，我當然想教佢(麥巴比)啦！」
東網體育FB同你追實體壇每個精彩時刻！
支持本地運動員，一齊去「睇體」！