南韓「金球王」激勁 直播睇池東沅表演!

2019年03月16日 20:00
東網電視
更多新聞短片

收看直播,請按東網APP頂部的直播ICON;
或按以下直播Link: http://tv.on.cc/live 

即睇池東沅對多蒙特梅開二度:https://bit.ly/2CmM9xD 

提起南韓國家隊,孭飛嘅肯定係孫興民,佢唔單只英超踢得掂,去到歐聯一樣夠踢,進步大得驚人。不過「太極虎」唔只得一個老孫,因為池東沅近期掂過碌蔗,入波仲靚過孫興民,高汁到你唔信!呢名27歲翼鋒呢期大熟大勇,早前對舊東家多蒙特,射入咗個左腳超靚唧射,成為奧格斯堡贏波英雄,今晚東網直播德甲奧格斯堡對漢諾威,池東沅傷愈復出,分分鐘又有靚入波睇!

池東沅其實已經旅歐8年,曾經踢過英超新特蘭,之後踢奧格斯堡、多蒙特同達斯泰特,星途浮浮沉沉,但今季呢名南韓國腳堅爆,依家已收穫4個德甲入球,早前對拜仁慕尼黑,奧格斯特主場踢到係威係勢,池東沅近轟入靚波帶領球隊領先2:1,睇到佢就算對住頂級勁旅都毫無懼色。

之後對另一國內班霸多蒙特,池東沅更加係球王上身,上半場入楔禁區快射射網頂開紀錄,下半場仲掂,佢單騎殺入禁區面對敵衞,不慌不忙左腳笠射遠柱網仔搞掂,呢個入波集結技術、射術同冷靜於一身,奧格斯堡亦憑佢2個入波全取3分。

上場對RB萊比錫,池東沅有傷缺陣,但奧格斯堡一樣和波攞到分,據德媒透露,池東沅已經好番今仗可以候命披甲,大家可以透過東網直播,睇到奧格斯堡主場大戰漢諾威,本身淨係睇池東沅已經夠晒,但原來同場仲有原口元氣睇。

漢諾威前鋒原口元氣,加盟漢諾威後仲攞到聯賽入球,查實上場對利華古遜有機會,但佢過埋門將射空門,個波竟然於白界前畀大雪啜住,入唔到波認真唔抵,就睇吓呢個「日本黑仔帝」呢場可唔可以轉運啦。

東網體育FB同你追實體壇每個精彩時刻!
http://bit.ly/2ecTF2A 

支持本地運動員,一齊去「睇體」!
https://bit.ly/2DxX4XI