曼聯力爭英足盃 佢哋復出幫到手！
20190316
東網電視
更多新聞短片
（互聯網）
英足盃8強賽事，曼聯作客狼隊唔易踢，好彩今場有主力回歸，可以排出完整陣容應戰。紅魔鬼早前傷兵名單好似水蛇春咁長，但球員已陸續回歸，上仗英超不敵阿仙奴，安東尼馬迪爾已可後備出場，今戰盧卡古有微傷下，馬迪爾勢必正選上陣。另外安達靴里拉、連格同菲爾鍾斯都傷愈，對紅魔爭入四強好有幫助！
尋日歐聯抽籤，曼聯8強要對巴塞隆拿，要過關難度唔細，所以球隊除要力搶英超前四位置外，英足盃都絕對唔會放過。安達靴里拉及連格，早前聯賽對利物浦先後傷出，二人已經傷愈，有佢哋助陣中前場會變得攻守兼備，大大提升實力，雖然基斯史摩寧及域陀連迪路夫呢對中路拍檔表現唔錯，鍾斯嘅復出亦增加了後防板檙深度。
東網體育FB同你追實體壇每個精彩時刻！
支持本地運動員，一齊去「睇體」！