港超聯 凱景主場力爭救命3分

2019年03月16日 21:28
東網電視
更多新聞短片
救命3分!

周日(17日)「中銀人壽香港超級聯賽」頭場由凱景於主場深水埗運動場迎戰東方龍獅。榜尾凱景仍為護級努力搶分,客軍自易帥後未嘗勝果,兩軍求勝決心可謂不相伯仲!

(周日下午2時30分開賽)

主場出擊的凱景上輪聯賽以1比2僅敗於佳聯元朗,仍與尾二的理文有兩分差距,主教練馮凱文明言要在最後一輪對理文前盡量搶得分數,並稱上場多番製造入球機會,只欠臨門一腳未能轉化成入球,會再三提醒球員打醒十二分精神。

今日面對東方龍獅,「馮Sir」坦承主場會有優勢,首要務任先做好防守,但球隊面臨傷停問題,在調配方面較費神。現時凱景有金玟基累積5黃坐波監,早前對夢想FC賽後向球證質詢的許嘉樂維持判停賽3場,而羅拔在上訴後獲減刑至3場。職員方面「馮Sir」被罰停賽兩場,助教林健勳則停3場。兼且隊長杜瑋鴻仍在康復中,後衞陳文俊亦有微傷。

作客的東方龍獅自主教練安祖史杜錫上任後仍未找到「贏波方程式」,上輪聯賽兩度領先下被香港飛馬逼和2比2,今場面對凱景,安祖史杜錫稱是硬仗一場:「無論對咩對手,我哋都要認真去備戰,就算凱景依家喺榜尾,我哋都唔可以睇小佢哋,我有入場睇佢哋作客元朗場波,佢哋打得好好值得贏波,所以我哋要做足準備。」
至於問及會否擔心場地質素影響發揮時,「安帥」續稱:「我哋唔會理個球場係點,上星期我睇咗傑志喺青衣運動場大勝夢想FC,場地質素都係麻麻,但傑志入到6球,所以最重要都係球員點去準備比賽。」惟該隊中場笠臣、徐德帥及前鋒麥基有傷在身,今仗上陣成疑。