【東體爭議】用番拿華斯 高圖爾斯賣得
20190317
東網電視
更多新聞短片
(Getty Images)
施丹重返皇馬領軍，立即起用舊臣，包括由基羅拿華斯出任正選門將，呢位32歲哥斯達黎加鋼門，不負所托，力保不失，令皇馬近10場比賽首次冇失波，睇怕泰拔高圖爾斯之後都有排坐冷板。
基羅拿華斯2014年加盟皇馬初時，不獲重用，其後得到施丹欣賞，成為球隊3奪歐聯冠軍嘅功臣，施丹上年辭職前，曾經向會長皮里茲提出，必須用基羅拿華斯擔任正選，但後者唔聽，仲收購車路士門將泰拔高圖爾斯，成為施丹劈炮原因之一。
事實證明施丹有遠見，泰拔高圖爾斯表現唔出效力車仔時期嘅水準，令皇馬失波持續高企，包括日前喺歐聯被阿積士大炒4:1。
最諷刺係皇馬之前連續9場失波，今場一改由基羅拿華斯出任正選門將，立即保持清白之身，施丹領軍之下，「泰仔」想搶番正選都好難。
東網體育FB同你追實體壇每個精彩時刻！
Follow東網體育IG一齊撐本地運動員！