【賽後解碼】曼城驚險反勝 隠藏致命危機
20190317
東網電視
更多新聞短片
(Getty Images)
周日(17日)凌晨英足盃8強出現戲劇性賽果，英超榜首豪門曼城作客英冠球隊史雲斯，「藍月亮」竟然開波頭29分鐘已經落後0:2。
好彩曼城領隊哥迪奧拿換邊後冇耐，先後做出3個調動，包括換入史達寧同阿古路。其中阿古路上陣僅5分鐘，就助攻貝拿度施華入波。
其後史雲斯門將洛德菲特擺烏龍，令曼城扳平2:2。當全世界以為要加時嘅時候，阿古路喺88分鐘建功，協助曼城以3:2絕殺對手，晉級4強，力保成為「四冠王」嘅希望。
哥迪奧拿今場作出4個輪換，以為可以畀部分主力休息一下，點知都係要靠阿古路上陣救亡，睇來「藍月亮」板凳深度唔多夠。
曼城下月陷入地獄賽程，包括英超對熱刺同曼聯，加上歐聯8強兩回合鬥熱刺，賽程非常惡踢，如果要靠晒幾位主力搏殺，真係擔心佢哋能否捱到尾。
東網體育FB同你追實體壇每個精彩時刻！
Follow東網體育IG一齊撐本地運動員！