【有片】見習騎師黃俊落樓 冇骨折但要留院

20190317
東網電視
更多新聞短片
今日沙田打吡賽馬日,第四場四班千六賽事發生落樓意外,夥拍苗禮德馬房「笑逐顏開」嘅本地小將黃俊,出閘順利沿途守在馬林後列位置,但臨入直路彎一刻,「笑逐顏開」突然失蹄,黃俊雖然捉實馬韁,但掙扎一輪後仍是被拋下,之後救護車趕到,醫護人員第一時間檢查騎者傷勢,可幸黃俊仍見清醒,已直接送往威爾斯親王醫院。
之後傳來最新消息,黃俊照完X光後未見有骨折,不過為穩陣計今晚會留院觀察,嚟緊周三谷草,黃俊唔會上陣了,希望佢多加休息,快啲好返再贏馬都未遲!