【隔18年再由華練贏】羅富全壓倒師傅奪打吡!

20190317
東網電視
更多新聞短片
華人之光!羅富全贏埋師傳蔡神仙,奪下香港打吡大賽,全取四歲賽三關,威到核爆!
今日沙田馬場舉行四歲一生一戰打吡大賽,臨場蔡約翰匹近四戰全勝的「夏威夷」成為1.7倍大熱門,但呢隻馬排14檔逼住留後,而且步速實在太慢,最終在雷神胯下追極都追唔到,只得第二名咋!反而羅富全今場匹頭關香港經典一哩賽冠軍5.9倍「添滿意」,在客串騎師布文胯下沿途居中,直路一拉出外欄即見反應凌厲,最終率先衝線,贏得此場千八萬大賽,幕後更取得一千萬獎金!
而第二季從練的羅富全,今日壓倒師傅蔡約翰奪冠,唔單止國際賽起孖,四歲三冠系列賽,更是由一個人獨攬!值得一提,華人練馬師自簡炳墀2001年「實業先鋒」後,已經未再染指打吡,今次事隔18年再由華人羅富全勇奪殊榮,六爺真真正正為華人爭光!
賽後六爺同老婆企埋一齊,馬場中人起哄叫佢哋錫錫,但六爺好怕醜唔肯,冇咗超Sweet呢幕呀,好彩舅仔何華麟同全哥面貼面補數咋!至於羅廐馬房員工,贏到打吡就High爆喇,幾有個仲攬埋一舊大聲呼喊,梗係喇,又贏大賽又有錢袋喇!另外飛過來幫手嘅OK哥布文,亦都喺「添滿意」鞍上振臂,佢平時都幾內斂,估唔到佢都忍唔住呀。
頒晒獎之後,羅富全再接受傳媒訪問,佢首先佢就多謝馬主支持同信任,有好馬交佢手訓練,而且團隊士氣高昂,「添滿意」今場贏馬,全哥都讚布文走位出色,而佢就打算下個目標,會為呢匹馬報爭下月舉行嘅女皇盃。至於另一匹重心「達龍駒」由於出閘扭計,結果起步失機,全程三疊下好蝕底,都跑第四算唔錯了;