日職 費托跛咗 鳥棲先識開齋贏波

20190317
東網電視
更多新聞短片
(互聯網)
彩報日職、日乙最強大資料庫,即去睇:https://bit.ly/2U0kUjq 
想贏波,一定要等費托跛咗?鳥棲砂岩星期日(17日)主場1比0險勝磐田山葉,今季日職首次敲響勝鼓,致勝英雄係西班牙人,不過唔係「王子」費蘭度托利斯,因為佢只係踢咗半場多啲就傷咗,超級黑仔。
原本沉淪榜尾嘅鳥棲贏到,真係大話夾好彩。半場互交白卷之後,換邊只係6分鐘,費蘭度托利斯已經唔掂,要由豐田陽平代替。據初步了解,佢係感覺右腳外側肌肉疼痛,已經去咗醫院檢查,未知乜事同有幾嚴重。
冇咗呢位隊長之後幾分鐘,後衞高橋祐治又領紅被逐,鳥棲焗住10人應戰,主場球迷覺得攞1分都要還神。點知下半場36分鐘先後備出場嘅西班牙前鋒艾錫古恩卡,首度亮相日職只係11分鐘,就係補時階段一頭頂爆磐田大門,成為鳥棲開齋英雄。27歲嘅艾錫古恩卡喺巴塞出身,又踢過阿積士、拉科魯尼亞等球會,如果費托要養傷,跳番上尾4嘅鳥棲,真係靠晒佢。