拜仁情何以堪！利物浦中場：富咸仲難踢
20190317
東網電視
更多新聞短片
（互聯網）
一隊係德甲班霸、一隊喺英超榜下游護緊級，利物浦中場韋拿杜姆，就覺得贏富咸仲難過贏拜仁慕尼黑！紅軍剛於歐聯16強淘汰拜仁，今晚就會轉戰英超作客富咸，韋拿杜姆表明呢場非常難踢，如要贏波紅軍必須出足十成功力。
「同鬥拜仁相比，今戰鬥富咸會仲難踢。佢哋目前於榜下游苦苦掙扎，肯定出盡全力護級，永遠對呢類球隊都會踢得好辛苦，富咸肯定唔會畀利物浦好過，我哋必須百份百專注，如果唔係都幾難攞3分。」
目前利物浦於聯賽少榜首曼城1分，今周藍月亮踢英足盃賽事，故紅軍若擊敗富咸就可暫時做番英超一哥。剛鬥拜仁嘅沙迪奧文尼，早前缺席球隊操練，不過佢已經恢復狀態，今戰可以候命上陣。另外未能去到德國作客嘅拿比基達，亦已傷愈可以落場。不過隊長佐敦軒達臣就因傷缺陣。
支持本地運動員，一齊去「睇體」！
東網體育FB同你追實體壇每個精彩時刻！