【有片】高圖爾斯終極派膠 夏神救比利時

20190322
東網電視
更多新聞短片
(互聯網)
即睇全場精華:https://bit.ly/2CxuPWZ 
(高圖爾斯派膠於1分50秒開始)
歐國盃外圍賽I組賽事,比利時主場迎戰俄羅斯,本季於皇馬頭頭碰着黑嘅門將泰拔高圖爾斯,落場演出慌失失,門前大把時間解圍但佢就懶醒帶前,最後被力壓下直接交個波畀對手肉酸失波。但比利時仲有夏薩特頂住,佢先策動助球隊攻入首球,之後連建2功埋齋,助比利時贏3:1完場。
世界盃季軍比利時,今仗雖有奇雲迪布尼受傷避戰,但夏薩特Fit到爆,14分鐘於前場策動分邊,隊友Set好炮台,泰利文斯禁區頂怒射入網,主隊打開紀錄。但2分鐘後高圖爾斯送大禮,於門前控球猶豫不決,向前推得兩推,被對手從後力壓下,竟然直接畀咗個波予卓利舒夫,後者唔該都冇聲輕易射入追成平手。比利時之後加強壓力,巴舒亞伊禁區勁射被救空門。但完半場前夏神又發功,禁區被扭動蛇腰逼到對方出術將佢勾跌,夏薩特親自主射12碼入網,半場領先2:1。
換邊後比利時繼續步步進逼,巴舒亞伊近門又射中柱。但最後呢名水晶宮借將門前甩甩漏漏交到畀夏薩特,該名車路士王牌輕鬆破網,奠定3:1勝局,比利時首場歐國外即全取3分。
支持本地運動員,一齊去「睇體」!
東網體育FB同你追實體壇每個精彩時刻!