【唔係下化】摩連奴會教英超呢隊？
20190329
東網電視
更多新聞短片
（互聯網）
施丹回歸皇馬、蘇斯克查坐正曼聯領隊，唯獨摩連奴斯人獨憔悴。呢名前車仔、紅魔鬼教頭，自12月被曼聯炒魷後仲未有班落，早前傳佢會教法甲里昂，本身都已夠匪夷所思，但從賠率顯示，寸王或者會火速回歸英超、教呢隊非前六球隊，先嚇到球迷擘大個口得個窿。
博彩公司發言人表示，日前突然收到大量注額，押落寸王下季執教愛華頓身上，故相關賠率由13倍急插到落5倍，同執教里昂同為摩連奴下一站次熱。大熱依然係巴黎聖日耳門（2.375倍），第四及第五熱門分別為國際米蘭（5.5倍）及摩納哥（9倍）。
據報早前賓菲加搵過摩連奴，但畀寸王推Job，擺明係嫌賓菲加唔夠卡士，愛華頓既唔夠富貴，成績又僅列中游，如果寸王真係肯教，堅係奇聞。
東網體育FB同你追實體壇每個精彩時刻！
Follow東網體育IG一齊撐本地運動員！