足總盃　理文陳庭揚首演挑機傑志

「足總盃」周六（30日）上演兩場8強激戰，頭場和富大埔與夢想FC在將軍澳運動場狹路相逢，前者躋身亞協盃分組賽士氣正盛，後者踢盃賽向來有驚喜，惡鬥可期（開賽時間：下午2時30分）；尾場衞冕的傑志火併理文，兩軍月初曾於菁英盃交手，當時由理文獲勝兼取得4強席位，且看「藍鳥」今日能否報卻一敗之仇（開賽時間：下午5時30分）！

尾場傑志與理文會師旺角大球場，月初兩軍於菁英盃交鋒，結果由理文勝出，惟今仗有余煒廉及干沙利斯一對中堅停賽，新加盟的「寶島」中堅陳庭揚有望首度披甲；力求衞冕的「藍鳥」主教練朱志光直言，踢淘汰賽必要小心應對。

傑志上輪聯賽擊敗佳聯元朗後，重奪聯賽榜首之位，巴西前鋒盧卡斯於該仗雖在落地時雖不慎弄傷，但相信並無大礙。主教練朱志光坦承球隊在防守意識上需有所加強︰「有啲球員可能贏完富力後，鬆散咗少少。始終我哋都係主攻嘅球隊，如果前場失咗波而喺防守上欠缺積極性，會畀到壓力自己後防。」「朱Sir」續稱︰「淘汰賽一場過，理文人腳唔太差，隊波暫時唔係咁順嘅情況下，總會有『反底』時候。」

理文中堅余煒廉在上仗聯賽對佳聯元朗領紅牌，隊長干沙利斯亦累積5面黃牌，意味一對中堅是役均要停賽，早前簽入的中華台北中堅陳庭揚或會披甲，主教練陳曉明表示：「我哋透過練波令佢明白我哋嘅要求同踢法，睇番佢呢兩個禮拜表現，我對佢有信心。佢最大優點係速度相當快，現今足球就係要快、要包波，佢可以做到呢樣嘢。」除一對中堅停賽外，翼鋒鄭兆均在出戰「亞洲足協23歲以下錦標賽外圍賽」時受傷，預料今仗缺陣。