新主場波衫玩復古　利物浦球迷：唔係呀嘩

今季力爭英超冠軍嘅利物浦，成績好球迷自然愈來愈多，球會依家同多間贊助商傾緊2新波衫贊助，有傳將同一剔牌合作，預計將簽10年總值超過7.5億鎊嘅肥約。如果傳言屬實，現時贊助商將推出最後一件主場波衫，近期網上就流出相關設計圖，原來係玩復古喎！

唔同近2季採用嘅深紅色，新季會用番鮮紅色，心口贊助用白色，贊助商同利物鳥就用鮮黃色。有別於今年有領設計，新波衫用番圓領。最特別嘅係波衫正面，有數條白色嘅幼直線，成件衫嘅設計同1983年紅軍主場波衫極為相似。唔少本地同外地球迷，都話件衫頗似上季件主場球衣，嗰堆白線就唔係個個球迷接受，而白線於近鎖骨位斷開，有球迷亦覺好唔順眼。

東網體育FB同你追實體壇每個精彩時刻！

http://bit.ly/2ecTF2A　

Follow東網體育IG一齊撐本地運動員！

http://bit.ly/2EYxoRh