【特稿】阿仙奴近3次作客聯賽不失球...
20190416
東網電視
更多新聞短片
阿仙奴周二(16號)英超作客1比0擊敗屈福特，唔單止拎到罕有嘅作客勝利，而且0失球更加係今季英超第1次！阿仙奴門將賓特尼奴今場左飛右撲，包括救出伊天卡普爾個精彩罰球，係「兵工廠」今季首次英超作客清白身嘅英雄。
睇番數據，阿仙奴對上一次英超作客不失球，已經係上季煞科戰1比0贏哈特斯菲爾德，而再之前一場，就數到2017年12月0比0悶和韋斯咸。換句話講，阿仙奴近3場英超作客「清白之身」，分別係2019年、2018年同2017年發生，希望下一次不失唔使等到2020年啦！
東網體育FB同你追實體壇每個精彩時刻！
支持本地運動員，一齊去「睇體」！