利物浦最強鬥士　砌低死神安心生活

《彩報》豪裝，入市即贏！撳撳呢條Link，寶藏等你拎：http://win.on.cc/football/　

唔止足球睇波，仲有24小時滾動賠率，即時體驗：https://bit.ly/2UmNL0L　

英超利物浦今季表現神勇，喺英超同歐聯都係不斷將敵人打低。不過，今日佢哋收到一位舊隊友消息，原來呢位前紅軍後衞竟然將死神擊倒保命，呢個就係33歲嘅退役西班牙球星荷西安歷基。

喺2017年因膝傷喺薩拉戈薩掛靴嘅荷西安歷基，舊年5月被驗出左眼有腫瘤，一個月之後，佢接受手術切除腫瘤，然後時間佢先後去法國巴黎接受咗35次化療，直到今日，佢先收到報告證實自己冇晒事，即刻喺社交網向球迷公布佢喜訊：「大家好，今日我有個好消息，我收到個幾星期前做嘅MRI(磁力共振)檢查報告，醫生確認癌細胞已經被徹底清除，連佢都話太神奇。多謝你哋所有人，感謝你哋由此至終嘅支持。」

事實上，荷西安歷基舊年8月曾經接受英國BBC訪問，當時佢話過擔心自己會死喺病魔手，又話驚自己左眼會失去視力，不過依家終於雨過天清，一天都光晒，希望佢以後都身體健康啦！