美斯起孖古仔世界波　巴塞炒曼聯入4強

東網電視

(Getty Images)

《彩報》豪裝，入市即贏！撳撳呢條Link，寶藏等你拎：http://win.on.cc/football/　

港網 No.1 24小時足球賠率：https://bit.ly/2UmNL0L　

你不知道的歐聯！即去全新包裝彩報網上版：https://bit.ly/2Z3RXGj　

歐聯8強次回合周三(17日)展開，焦點大戰巴塞隆拿主場迎戰曼聯，落後1球嘅曼聯作客改打迫搶戰術，結果大敗一場，巴塞憑美斯梅開二度，以及菲臘比古天奴轟入世界波，以3比0大破曼聯，兩回合合計贏4比0，率先殺入4強。

比賽初段曼聯搶攻，開賽36秒拉舒福特殺上前線勁射，可惜中楣彈出，呢個波唔入，巴塞逐漸控制戰局，11分鐘拿傑迪錫禁區內與費特洛迪古斯接觸倒地，球證即場直指12碼，但VAR推翻判決，曼聯逃過一劫。

不過避得初一避唔到十五，15分鐘美斯右路禁區頂推順起左腳射死角破網，5分鐘後美斯另一次攻勢埋門，用私家右腳射門，迪基亞漏油入網，短時間內美斯梅開二度，巴塞領先2比0。

下半場61分鐘，菲臘比古天奴禁區外控定，右腳勁射世界波死角入網，巴塞贏到3比0，此時勝負已分，餘下時間曼聯只希望爭取破蛋機會，最近磅一次係阿歷斯山齊士頭槌攻門，但都過唔到門將達史特根，最終巴塞大炒3比0，總比數4比0晉級4強，打破近3屆8強出局魔咒。