【紅魔出局】蘇斯克查續約前後兩個樣
20190417
東網電視
更多新聞短片
你不知道的歐聯！即去全新包裝彩報網上版：https://bit.ly/2Z3RXGj
曼聯喺歐聯8強被巴塞隆拿技術性擊倒，雖然結果好大程度上係兩隊級數有別，但亦有唔少球迷質疑蘇斯克查嘅能力。呢位挪威籍主帥自從接替摩連奴執教後，頭17場比賽只係輸過1場(14勝2和1負)，當中更有反勝巴黎聖日耳門嘅經典，球迷一面倒支持蘇斯克查坐正，曼聯亦聽從民意，上月正式同蘇斯克查簽約3年。
勢估唔到蘇斯克查續約後，成隊波即刻走晒樣，蘇B坐正後7場比賽輸咗5場，2場勝仗對屈福特同韋斯咸亦贏得冇乜說服力，《ESPN》著同主播貝利亦公開表示：「或者球迷唔想承認，但已經有好多人質疑曼聯係咪太早同蘇斯克查簽約。」
「福星」蘇斯克查依家仲變埋黑仔王，曼聯輸畀巴塞隆拿後經歷作客4連敗，「紅魔鬼」對上一次作客連輸4場已經係1999年10月，而嗰4場波蘇斯克查全部都有落場，認真慘情！
東網體育FB同你追實體壇每個精彩時刻！
支持本地運動員，一齊去「睇體」！