【荷蘭風暴】阿積士勾起中佬球迷感動回憶
20190417
東網電視
更多新聞短片
你不知道的歐聯！即去全新包裝彩報網上版：https://bit.ly/2Z3RXGj
荷蘭老牌勁旅阿積士喺歐聯踢走祖雲達斯，相隔22年後再次殺入歐聯4強，呢次成就勾起唔少老一輩球迷嘅美好回憶。阿積士青訓向來出色，90年代初更加打造黃金盛世，喺1994至97年間，連續3屆歐聯分別取得冠軍、亞軍及4強成績，而97年就係呢支荷蘭勁旅對上一次殺入歐聯4強。
當年阿積士人才濟濟，包括施多夫、戴維斯、古華特、雲達沙、奧華馬斯、迪保亞兄弟、保加迪、雷斯加等荷蘭新星，又有老大哥列卡特、白蘭特帶住，加上列馬倫、簡奴、芬尼迪等外援，大部份名字依家已經成為響噹噹嘅傳奇球員。
依家呢隊阿積士同樣係新人輩出，而呢次青春風暴嘅幕後策劃者，正正就係當年2位主力雲達沙同奧華馬斯。一代門神雲達沙依家係阿積士嘅CEO，奧華馬斯就係球會總監，就連預備組教頭都係當年右閘雷斯加，睇住呢班昔日黃金一代，打造依家新嘅黃金一代，真係感動。
東網體育FB同你追實體壇每個精彩時刻！
支持本地運動員，一齊去「睇體」！