【荷蘭風暴】阿積士Outlet開幕！掃貨要爽手
20190417
東網電視
更多新聞短片
你不知道的歐聯！即去全新包裝彩報網上版：https://bit.ly/2Z3RXGj
阿積士一向係球星搖籃，強大嘅青訓系統不斷為球會提供新血，再以高價輸出去歐洲各大豪門，「阿積士製造」呢5隻字已經成為信心保證。隨住阿積士新世代喺歐聯大放異彩，所有豪門都將目光放喺呢支荷甲勁旅身上，亦意味阿積士Outlet正式開幕！
一眾計劃掃貨嘅豪門當中，巴塞隆拿就最醒目，識得先下手為強，1月份率先宣布7,500萬歐元簽入中場法蘭基迪莊，盛傳19歲隊長中堅馬菲斯迪歷特，亦已秘密傾掂轉投巴塞隆拿，預計轉會費要6,000萬歐元，巴塞隆拿總監阿摩日前就暗示：「馬菲斯迪歷特係阿積士球員，我哋唔會談論其他球會嘅人，即使我知道佢來季會去邊。」
兩大人氣球星法蘭基迪莊、馬菲斯迪歷特似乎名花有主，不過其他球員一樣好搶手，據報阿仙奴、曼聯同愛華頓正爭奪巴西翼鋒大衛拿尼斯，轉會費要4,500萬鎊；摩洛哥「死球專家」薛耶治亦受到車路士垂青，作為夏薩特一旦離隊嘅替補。
另外，阿根廷左閘達利亞費高早前已放風考慮轉會，並且同阿仙奴、馬德里體育會拉上關係；中場雲迪碧克就成為多蒙特嘅夏季收購目標；丹麥前鋒多爾貝治就係熱刺獵物。如果阿積士繼續殺埋入歐聯決賽，呢班球員身價肯定水漲船高，想掃貨就要爽手啦！
東網體育FB同你追實體壇每個精彩時刻！
支持本地運動員，一齊去「睇體」！