亞協盃 「藍鳥」作客吞4.25SC「兩蛋」

2019年04月17日 17:59
東網電視
更多新聞短片
傑志作客0比2不敵4.25SC。 (傑志提供圖片)

「亞協盃」I組分組賽賽事,周三(17日)假北韓平壤金日成競技場舉行,由傑志作客4.25SC,最終傑志以0比2不敵主隊,小組兩戰皆北。

是役傑志前鋒盧卡斯因傷沒有隨隊,前線由佐迪「廖化作先鋒」。為了尋求穩守,「藍鳥」派上後衞唐建文串演右中場,門將則由郭劍橋擔正。上半場4.25SC球員憑身型優勢壓制傑志,幾乎控制整個戰局,大部分攻門鏡頭都是由主隊炮製,傑志僅有較具威脅的攻勢在27分鐘出現,唐建文接應皮球後作出一個「急勁」傳中,可惜禁區無人接應。若非門將「阿橋」作出連番撲救,相信「藍鳥」在上半場便已失守,雙方上半場踢成0比0平手。

易邊後,傑志因一次後防失誤先失一球,及後傾力反撲未果,反遭主隊再下一城,結果以0比2敗陣。傑志主教練朱志光賽後認為,球隊是役整體表現不俗,落敗主因是下半場體力下降,以及主將傷停所致:「上半場我哋先求穩守,結果都好好守到半場0比0。但下半場好快因為一個失誤失咗一球,之後我哋嘗試壓前啲,結果再輸多球。始終嚟到北韓,我哋部分球員經驗唔夠,而且盧卡斯冇嚟令到我哋前線停唔到波,因此體能消耗好大,對手體力又好,速度又快,我哋要番去諗諗主場嗰場點部署。」

至於中場中村祐人就認為對手表現比較優勝:「對手表現好好,所以我哋上半場試圖防守,但下半場可能因為有啲攰,所以失咗兩球波,最後輸咗。」他又表示,希望下場可以憑主場之利戰勝對手。

同組另一場賽事,和富大埔於周三(17日)晚上8時,主場迎戰中華台北的航源FC。