歐聯生死戰冇卡尼 斷手阿里救唔救到熱刺？
20190417
東網電視
更多新聞短片
（Getty Images）
你不知道的歐聯！即去全新包裝彩報網上版：https://bit.ly/2Z3RXGj
歐聯8強次回合，英超內訌生死戰，曼城主場擺陣迎戰熱刺。熱刺首回合慘勝1:0，王牌哈利卡尼整傷左腳腳踝舊患宣布收咧，中場大將迪利亞里左手亦有骨折迹象。今戰係熱刺本季最重要賽事，領隊普捷天奴於賽前記者會表示，要到賽前先會決定會否畀阿里出場；但中場線已有艾歷迪亞長傷，哈利雲克斯又因傷缺陣嘅情況下，普帥將會畀阿里冒險上陣。
普帥表示，一直密切注意阿里傷情，但因為呢位英格蘭國腳傷勢唔輕，所以仲係考慮緊畀唔畀佢出場。熱刺傷兵名單好似水蛇春咁長，除哈利卡尼外，中場主力迪亞、拉美拿本身已肯定出唔到，加上雲克斯又剛肯定缺陣，中場選擇買少見少嘅情況下，普帥唔用阿里都唔到。另外，右閘奧利亞亦都缺陣，前鋒洛蘭迪亦未好番晒，所以普帥極可能用阿里做第二前鋒，以支援單箭頭孫興民。
東網體育FB同你追實體壇每個精彩時刻！
支持本地運動員，一齊去「睇體」！