亞協盃 入開齋波!翟廷峯︰初頭仲以為出界

2019年04月17日 22:36
東網電視
更多新聞短片
翟廷峯(綠衫)幾時都咁搏命! (何彥霆攝)

周三晚(17日)於旺角大球場上演的亞協盃I組賽事,主隊和富大埔以4比2擊敗中華台北代表航源,而為球隊先開紀錄的翟廷峯,賽後亦坦言對頂入今季處子球感到驚喜:「初初頂完個波彈地以為出界,之後啲隊友埋哂嚟先知原來入咗!」然而,「廷峯」認為球隊仍有值得改善的地方:「下半場一度被對手追近比數,可能因為我哋鬆懈咗,但好在有教練提醒,再一人走多一步贏番場比賽。」和富大埔目前正在應付港超及亞協盃兩條戰線,下周日(21日)先於主場迎來對冠忠南區的關鍵一仗,之後於月尾再於亞協盃硬撼北韓球隊4.25SC,直至下月初在聯賽作客對富力R&F。

對於「足球明星選舉」的獎項,「廷峯」則坦言順其自然,並表示球隊需要集中及盡力去應付球季餘下每場比賽︰「今季餘下嘅每場比賽,球隊上下依家都會當作決賽看待。對於自己嚟講,喺呢一刻最重要都係聯賽冠軍,最佳11人嘅獎項都唔諗太多,始終自己可能冇乜觀眾緣,而比我好嘅球員亦有唔少,所以都係做好自己本份,幫球隊贏波就足夠。」