有人一早話阿積士勁　但當時冇人信

你不知道的歐聯！即去全新包裝彩報網上版：https://bit.ly/2Z3RXGj　

阿積士在歐聯賽場捲起青春風暴，連續淘汰皇馬及祖雲達斯，殺入4強創造神話，原來一早有人講過今年阿積士好犀利，但當時冇人信，仲嘲笑讚阿積士嘅人，呢位咁獨具慧眼嘅專家，就係拜仁主帥尼高高華。

今屆歐聯分組賽拜仁同阿積士同組，結果拜仁以4勝2和不敗首名出線，阿積士亦以3勝3和不敗次名晉級，至於兩隊對賽成績，拜仁主場1比1，阿積士主場3比3，如果係淘汰賽，拜仁就會以作客入球優惠晉級，與阿積士嘅對戰成績比皇馬及祖記更好。

阿積士依家殺入4強，尼高高華喺皇馬被淘汰時已經講：「我一早話阿積士好勁，大家都唔信，仲笑我哋拜仁冇理由贏唔到阿積士，好嘞，依家證明我嘅觀點係啱嘅。」