【東體爭議】鯰魚效應！曼城提升英超水平
20190425
東網電視
更多新聞短片
(Getty Images)
《彩報》豪裝，入市即贏！撳撳呢條Link，寶藏等你拎：http://win.on.cc/football/
曼城2:0擊敗曼聯之後，一戰創下多項紀錄，「藍月亮」今季各項賽事已經攻入157球，創下英格蘭頂級聯賽球隊單季最多入球紀錄，舊紀錄亦係曼城5年前所締造。
英超11連勝亦係曼城自2017年12月以來，球隊最長聯賽連勝紀錄。咁都未止，哥迪奧拿更成為英超史上首位連續3次領軍擊敗曼聯嘅主帥。
賽後哥迪奧拿意氣風發，話曼城已經手握爭標主動權，更加指曼城近年嘅卓越演出，提升英超整體水平：「曼城上季聯賽取得100分，將賽事水平提升至另一個層次，利物浦今季全力追趕，同樣取得令人難以置信嘅成績。」哥帥似乎暗示利物浦可能成為英超史上最高分亞軍。
事實上，曼城由哥迪奧拿領軍之下，踢法悅目兼取得佳績，有姿勢有實際，有望成為近10年首支成功衞冕英超嘅球隊，成為列強追逐目標，其他球隊焗住加入「軍備競賽」，高價收購球星，提升實力。
利物浦就係最明顯例子，天價簽入中堅華基爾雲迪積克、門將艾利臣比加之後，改善防線問題，成為紅軍最有能力問鼎英超冠軍嘅一季。
經過今季之後，相信其他強隊都會大肆增兵，爭取打破曼城壟斷局面，英超下季競爭勢必更激烈。
東網體育FB同你追實體壇每個精彩時刻！
Follow東網體育IG一齊撐本地運動員！