天外飛仙最靚助攻！辛祖平9年林伯紀錄

即睇辛祖超靚助攻：https://bit.ly/2L8WeW1　　

德甲多蒙特於季尾崩潰，先作客狂吞拜仁慕尼黑5蛋，今輪魯爾區打吡有2人被逐，主場2:4輸畀死敵，全失3分下要追拜仁爭逐德甲冠軍，機會微乎其微。雖然今戰賽果令蜜蜂兵團勁失望，但陣中19歲未來巨星查頓辛祖，送出歐洲主流聯賽，今季其中一個最靚助攻。而呢個亦係辛祖本季第14次助攻，令佢壓過美斯同夏薩特暫成歐洲助攻王，認真犀利！

辛祖本季於多蒙特勁到無倫，用表現完全征服德甲，難怪已成英格蘭大國腳，相信未來將成三獅兵團鐵打主力。對上一次英格蘭球員，於歐洲5大主流聯賽錄得14次助攻，對上一次已係9年前嘅林柏特，當年佢為車路士錄得14次助攻。而睇番美斯同夏薩特兩大巨星，本季到依家分別有13次助攻，辛祖年紀輕輕就已經咁勁，難怪有報道指曼聯視佢為今夏頭號收購目標，預計轉會費高達1億鎊。

睇番呢個助攻，辛祖於對手禁區頂攞得皮球，雖然面前有幾個敵衞，但佢不慌不忙，等到隊友走位先吊個高波向前，馬里奧葛斯輕易頂入，堅係妙到毫巔。

港網 No.1 24小時足球賠率：https://bit.ly/2UmNL0L