港網 No.1 24小時足球賠率：https://bit.ly/2UmNL0L　

古語有云：既生瑜，何生亮！呢個可能係今季整體表現穩定嘅利物浦，最終四大皆空嘅原因。紅軍今季於聯賽已累積91分，但仍落後我認為現今世上數一數二嘅頂級勁旅曼城，而且啱啱喺歐聯4強首回合，作客淨吞另一支超班強隊巴塞隆拿3蛋，難道紅軍真係生不逢時？

輸3球畀巴塞敗局已成

如果有睇周中歐聯場波嘅球迷，都見到利物浦踢得唔曳，造訪魯營利用高強度壓迫一度控制戰局，甚至有多番具威脅埋門，若非巴塞門將達史特根神勇救出，一早已追和，但當你遇到神一般嘅巴塞球王美斯，1次反應極快嘅補中，其後更上演百步穿楊嘅罰球妙技，0比3未能顯示出紅軍整場未有放棄嘅過程，不過0比3已經係挽回不了的敗局，因為歷史只會記住結果及贏家。

利物浦雖然喺歐聯出線機會，剩番渺茫同冇機會，但聯賽只餘兩輪下落後曼城1分，若果紅軍先做好本分全部贏晒，壓力就落喺「藍月亮」身上，到時乜嘢事情都有可能發生。利物浦喺今晚英超尾場作客紐卡素，應該唔易踢，不過佢哋未必需要再為歐聯次回合留力，而「喜鵲」亦已經上岸，要締造聯賽8連勝、將爭冠懸念拖到最後一輪唔難。