港超聯　陳文俊：冇區隊，個市唔知會點！

周日（12日）「足總盃」4強戰上演「地區打吡」佳聯元朗火併冠忠南區，意味連續兩季3個盃賽決賽都有區隊份兒，連同和富大埔歷史性稱霸港超聯，今季區隊成績可謂大爆發。

冠忠南區主席陳文俊認為港超聯成立以來，區隊一直有着非常重要之角色，他說：「港超聯成立以嚟，區隊都好緊要㗎，如果冇咗區隊，個球市都唔知會點喇。今季區隊成績咁好，相信係同區隊嘅營運方針同模式，同大部份球隊唔同，我哋唔會用錢去堆砌球隊，而係喺政府部門、區議會同贊助商支持下，有計劃、有理念，默默耕耘，充滿正能量咁去發展。」

「陳主席」亦提出一個區隊的共同點，就是：「大家留意吓大埔、元朗同我哋，陣中都有好多唔係單純為錢，仲有理想有足球夢嘅球員，喺平平穩穩嘅平台去發揮，球員落到場自然充滿鬥心、更加搏命。」「陳主席」補充謂港超聯中極之需要區隊的存在，故希望各界人士可以多多支持，揀選覺得值得支持的區隊去支持。

至於佳聯元朗會長王威信則道出了區隊表現，往往超出預期的原因，他謂：「區隊球員、球迷對地區有歸屬感，球迷打氣特別投入，球員上陣亦踢高半班，所以區隊表現往往超乎想像。」

另外，「王會長」指出相比大部分港超球會，區隊較願意去發掘及予機會出身自地區青訓的年青球員。加上區隊獲政府資助，加上區議會、康文署等在訓練設施的提供上作出配合，先天條件相對優厚，只要取得一定的商業或私人贊助，「大爆發」實屬意料中事，不足為奇！