英超金靴3人平分　20年來首次

港網 No.1 24小時足球賠率：https://bit.ly/2UmNL0L　

今季英超金靴獎競爭激烈，同樣鬥到煞科日先至有結果，最終總共有3位球員平手，分別係利物浦前鋒穆罕默德沙拿、沙迪奧文尼，同埋阿仙奴射手奧巴美揚，3人同以22球分享金靴獎，對上一次有3人同得金靴，要數到20年前。

煞科日開賽前，沙拿以22球領先，但沙拿今仗對狼隊冇波入，反而其隊友文尼梅開二度，另邊廂奧巴美揚亦在煞科日作客般尼亦射入兩球，結果3人同得22球獲獎，打破近兩屆哈利卡尼壟斷局面。

英超金靴獎上次多於1人獲獎已經係2010至11年球季，當年由曼聯箭頭貝碧托夫與曼城前鋒泰維斯以20球並列神射手，至於3人並列更要數到20年前嘅1998至99球季，當年曼聯約基、利物浦奧雲及列斯聯哈索賓基同樣以18球分享神射手。