《彩報》豪裝，入市即贏！撳撳呢條Link，寶藏等你拎：http://win.on.cc/football/　

曼城衞冕英超，球會上下開心慶祝過後，球會來季將面臨重大危機，就係被禁參加歐聯。《紐約時報》報道，經過數個月調查，證實曼城違反財政公平原則，歐洲足協財政公平競調查小組建議判罰曼城禁止參加歐聯一年，並會盡快於本周宣布。

英國足總、歐洲足協及歐聯官員，幾個月來一直調查曼城造假帳問題，歐洲足協財政公平競技首席調查員拉特馬(Yves Leterme)將於本周提交報告，建議判罰曼城禁止參加歐聯一年。歐洲足協將盡快作出判決，並容許曼城向體育仲裁法庭提出上訴。

曼城被指篤數並非一朝一夕，歐洲足協調查員引用球會內部電郵，指曼城利用贊助商名義注資，增加帳面收入，但該些贊助商收入其實大部份來自班主本人，違反財政公平原則。

由於新一屆歐聯將於6月開始，歐洲足協將盡快宣布有關判決，容許曼城上訴，參賽球隊變動等，有報道指，如果曼城遭禁賽，英超排第5嘅阿仙奴將獲歐聯參賽資格。