話知你贏歐霸都炒　車仔帥位揀定名宿回歸

唔止足球睇波，仲有24小時滾動賠率，即時體驗：https://bit.ly/2UmNL0L　

英超勁旅車路士今季戰績雖然未達預期，喺爭標路上未見有太大競爭力，但講到底都攞到第3，同時依家又打入咗歐霸盃決賽，都仲有機會捧盃，意大利籍主帥沙利真係冇功都有勞啦！不過，由於佢成季都唔太受球迷歡迎，唔少車迷對沙利嘅戰術運用同領軍方式都諸多批評，有意大利傳媒指出，車路士高層已經決定即使能贏得歐霸盃，都一樣會將沙利辭退，而頂替佢嘅人選都有，就係英冠打比郡領隊林柏特喇！

根據意大利《慢鏡頭》報道，話車路士必定會炒沙利，預計歐霸盃之後會公布，而有關沙利去向，大家都唔使擔心，消息話羅馬同AC米蘭都想搵佢接掌帥印，根本係皇帝女唔憂嫁。至於預計頂替沙利人選嘅林柏特，球員生涯幫車仔贏過勁多冠軍，歷來為車仔上陣648次、射入211球，根本就係車迷至愛。最緊要係，「林伯」今季喺英冠帶領打比郡表現出色，今朝先話帶領球隊反勝列斯聯打入升班附加賽決賽，證明係有料之人呀！

事實上，近年唔少名將返前東家執教，結果都唔太差，好似施丹去教皇馬喺歐聯贏完一次又一次，就算早排蘇斯克查返曼聯都捲起過一陣旋風，依家如果教緊打比郡嘅「林伯」返去史丹福橋，相信球迷都一定會支持啦。