失落歐聯　阿積士仲有呢樣補數

《彩報》豪裝，入市即贏！撳撳呢條Link，寶藏等你拎：http://win.on.cc/football/　

喺歐聯出局但贏盡掌聲嘅荷甲勁旅阿積士，今晨作客對住迪加史卓普，最後輕鬆大勝4比1，正式贏得今季荷甲冠軍，兼成為今季荷甲同荷盃嘅雙料冠軍。今次係阿積士歷來第34次封王，賽後賽會即刻為佢哋舉行頒獎禮，成班備受讚賞嘅阿積士新星，都瘋狂慶祝，接受球迷祝賀。球迷喺看台集體舉起個冠軍盃複製品，場面誇張熱鬧。不過講到底，阿積士下季仲有冇得威真係好難講，事關唔少主力好似法蘭基迪莊同馬菲斯迪歷特都會走人，到時主力星散，就要再睇新一批新人，係咪都一樣有料喇？