中國女排驚險反勝波蘭 想出線就要咁樣
20190516
東網電視
更多新聞短片
(互聯網)
正參加緊2019年瑞士女排精英賽嘅中國女排，今日進行小組第3輪賽事，繼首戰以1比3不敵日本，然後第2場以3比2力克德國，中國今場遇上另一支歐洲球隊波蘭，結果喺先失一盤之下，最終驚險反勝3比2，保住出線機會。
中國今場贏波功臣，仍然係被寄予厚望、拎到23分嘅主攻手李盈瑩，佢今場45扣21中，成功率接近50%，相當抵讚；而另一位主攻段放都有14分進帳。現時中國喺小組賽3戰2勝1負得5分，排喺小組次席，但因為對德國之戰失局太多，依家能否出線要視乎同組兩支歐洲球隊波蘭同德國嘅交手結果。一旦波蘭能夠喺4局之內打敗德國，中國將會就此出局。
支持本地運動員，一齊去「睇體」！
東網體育FB同你追實體壇每個精彩時刻！