踢好波有好報!靴里拉新工薪金多3倍

2019年05月16日 19:10
東網電視
更多新聞短片
(Getty Images)

《彩報》豪裝,入市即贏!撳撳呢條Link,寶藏等你拎:http://win.on.cc/football/ 

曼聯「民選隊長」安達靴里拉早前宣布離開曼聯後,盛傳佢將加盟巴黎聖日耳門(PSG),根據英國《鏡報》最新消息,PSG已經向安達靴里拉開出合約,周薪高達30萬鎊(約300萬港元),比曼聯天價球星保羅普巴更加高。

據悉,曼聯之所以放走29歲嘅安達靴里拉,係因為未能滿足呢位西班牙中場嘅人工要求,佢現時周薪為7.5萬鎊,即使續約亦只有13萬鎊,遠低於PSG提供嘅待遇。

因此,識揀梗係揀入「門」,PSG非常欣賞安達靴里拉喺球場上嘅拚搏精神,加上免轉會費,所以願意為佢開出30萬鎊周薪嘅人工,預料好快會簽約。

安達靴里拉2014年由畢爾包加盟曼聯,為紅魔鬼於各項賽事上陣189次,射入20球,捧過1次歐霸盃、1次英聯盃及1次英足盃冠軍。

安達靴里拉深得曼聯隊友及球迷愛戴,當佢公布離隊後,好多球迷感到可惜,戥佢唔抵,認為最應該離隊嘅球員係普巴,唔係靴里拉。不過,靴里拉依家搵「好人家」,相信球迷都會為佢感到高興。

值得一提,曼聯球星保羅普巴現時周薪為29萬鎊,佢亦一直唔滿意,要求加人工,依家見到後備球員安達靴里拉跳一跳槽,人工立即高過佢,相信會進一步刺激普巴轉會意慾。

東網體育FB同你追實體壇每個精彩時刻!
http://bit.ly/2ecTF2A 

Follow東網體育IG一齊撐本地運動員!
http://bit.ly/2EYxoRh