【歐國聯】英格蘭點兵 曼聯最佳球員都冇份
20190517
東網電視
更多新聞短片
英格蘭準備爭奪下月歐洲國家聯賽冠軍，領隊修夫基周四(16號)率先公布27人初選名單，當中都有唔少驚喜，包括修咸頓孖寶列特文同禾特普斯齊齊入選，目前養緊傷嘅熱刺前鋒哈利卡尼亦照樣入圍，不過早前當選曼聯今季最佳球員嘅勞基梳爾就名落孫山，「紅魔鬼」只得拉舒福特同連格2個代表上榜。
對於勞基梳爾落選，修夫基就話：「我認為芝維爾同勞基梳爾都非常出色，目前情況嚟講，佢哋嘅排位(左閘)係喺勞基梳爾前面。」修夫基同時透露，如果赫臣奧杜爾同埋羅夫度斯卓克如果唔係因為受傷，都會入選今次歐國聯大軍。
英格蘭27人大軍名單
門將●畢蘭特、湯希頓、比克福特
後防●阿歷山大阿諾特、芝維爾、祖高美斯、米克堅尼、哈利馬古尼、丹尼路斯、史東斯、捷比亞、基爾獲加
中場●巴克里、迪利阿里、戴爾夫、艾歷迪亞、禾特普斯、迪格蘭賴斯、佐敦軒達臣、哈利雲克斯
前鋒●哈利卡尼、連格、拉舒福特、列特文、查頓辛祖、史達寧、哥林威爾遜
東網體育FB同你追實體壇每個精彩時刻！
Follow東網體育IG一齊撐本地運動員！