歐洲足協唔保證安全　歐霸決賽冇MK恩

《彩報》豪裝，入市即贏！撳撳呢條Link，寶藏等你拎：http://win.on.cc/football/　

今屆歐霸盃決賽喺阿塞拜疆首都巴庫舉行，呢個決賽近日引嚟各方面炮轟，阿仙奴周四(16號)罕見咁發聲明炮轟歐洲足協波飛分配問題，不過對於「兵工廠」球迷嚟講，更加關心阿美尼亞國腳米希達利恩可唔可以上陣。

由於阿塞拜疆同阿美尼亞嘅政治紛爭，阿塞拜疆一直禁制阿美尼亞人入境，雖然佢哋表明願意為米希達利恩發放「特別簽證」畀佢嚟踢波，但係安全問題就好成疑問。英國《衞報》爆料，阿仙奴同歐洲足協已就事件開會，但歐洲足協一直唔可以保證米希達利恩嘅安全，除非下周初再開會嗰陣有突破性發展，否則阿仙奴已決定唔畀米希達利恩隨隊出征。