【有片】羅夫度斯卓克抖1年 沙利嬲到...
20190517
東網電視
更多新聞短片
車路士喺歐霸盃決賽前傳出噩耗，季尾狀態大勇嘅中場羅夫度斯卓克，喺周四(16日)友賽新英倫革命嗰陣不幸受傷，據報左腳腳腱韌帶重創，車路士宣布已安排佢立即進行手術，一般估計要抖9個月，甚至可能要休息1年時間，連下季都未必踢得到！
喺英超球季煞科後3日、歐霸盃決賽前飛去美國踢波，唔少球迷都質疑呢個賽程非常「腦殘」，尤其球場草地質素差勁，消息指開波前一班車路士球員，已經喺度講笑扮拗柴，結果不幸成為事實。當羅夫度斯卓克受傷喺場邊接受治療期間，有球迷影到沙利當場大發脾氣，又向後備席掟衫洩忿，唔知佢係嬲個天？定係嬲班主阿布拉莫域呢？
東網體育FB同你追實體壇每個精彩時刻！
Follow東網體育IG一齊撐本地運動員！