【有片】點做到？4秒做6下插花兼360度自轉

港網 No.1 24小時足球賠率：https://bit.ly/2UmNL0L　

唔少好波之人都鍾意喺球場上面Show下腳法，不過強如C朗拿度同尼馬，都唔夠非洲勁旅奧蘭多海盜球星加寧治咁癲！

日前一場南非超級聯賽，奧蘭多海盜以3比0大勝波羅瓜尼，當比賽去到補時階段大局已定之際，27歲球星加寧治就選擇嚟一次個人表演，佢喺左路無人看管之下帶波推進，突然間「跳掣」自High，極速連續施展6下插花外加360度自轉，成個表演過程只係用咗4秒就完成！

雖然佢今之表演非常無謂，因為由頭到尾都冇扭過任何人，莫講話場上球員完全唔知佢做乜，就算觀眾睇慢鏡，都唔係咁容易睇得清楚佢玩咗乜嘢呀！影片喺網上被瘋傳後，大部份球迷都有同一個結論，話只要玩FIFA嗰陣，亂咁按遙控器上面嘅掣，就會得出呢個效果喎！