馬里奧葛斯冧勒夫靠食素

《彩報》豪裝，入市即贏！撳撳呢條Link，寶藏等你拎：http://win.on.cc/football/　

想得到德國國家隊主帥勒青睞，原來唔使跟佢食鼻屎嘅，食素已經OK！

據德國《圖片報》報道，10號仔馬里奧葛斯近期弗到極，喺德甲下半季為多蒙特攻入6球，又貢獻6次助攻，已經引起主帥勒夫嘅注意。馬里奧葛斯能夠弗返，究竟有乜秘訣呢？佢話：「我喺屋企只食素食，主要係意粉、豆腐、豆類以及麥片等，就算喺外面開餐，都只係選擇性咁食肉同魚。」

講開又講，雖然多蒙特周六客戰慕遜加柏，理論上「蜜蜂兵團」贏都未必攞到德甲冠軍，但係雙方唔少球迷出晒名激進好鬥，德國警方已經將呢場波宣布為高危賽事。