6000萬歐成交 皇馬簽入新賓施馬!

2019年05月17日 19:00
東網電視
更多新聞短片
(互聯網)

《彩報》豪裝,入市即贏!撳撳呢條Link,寶藏等你拎:http://win.on.cc/football/ 

皇馬重組事在必行,領隊施丹剛為銀河艦隊簽入塞爾維亞高效射手盧卡祖域,轉會費高達6000萬歐元!盧卡祖域近2季於德甲法蘭克福踢到曉飛,本季於各項賽事已射入27球助攻7次,帶領法軍打入歐霸盃4強。皇馬為於來季挑戰巴塞隆拿,並於歐聯大展拳腳,率先引入呢名21歲全面射手,相信佢會係賓施馬接班人。

盧卡祖域身高1米81,無論腳下功夫同速度都相當不俗,佢最厲害之處係無論頭定腳,把握力都勁強,今季初法蘭克福主場大數杜塞爾多夫,盧卡祖域個人射入5球,可以話盡顯功架,而本屆歐霸4強首合對車路士,佢於門前卸身頭槌批個中柱波入網,完全非阿列沙巴拿加所能挽救。

盧卡祖域於17/18年球季,由賓菲加借到法蘭克福,後者於今年4月正式買斷呢位前鋒,但以呢名射手嘅級數及表現,法軍都知好難留得住佢。德國《天空體育》報道,皇馬已同法蘭克福達成協議,盧卡祖域將以6000萬歐元身價轉投巴拿貝,而其中10%轉會費會屬於賓菲加,而佢本人年薪達1000萬歐元。