戴偉浚返港為「嗰日嘅事」解話

2019年05月17日 23:01
東網電視
更多新聞短片
(黃雋謙攝)

東方龍獅和狼隊合辦的「GOLDEN CHANCE 足球訓練計劃」周五(17日)在將軍澳足球訓練中心進行選拔。現時效力烏德勒支青年隊的戴偉浚,亦有伴隨擔任東方龍獅顧問的父親戴文康到場觀看。

戴偉浚今季由英甲的牛津聯外借到烏德勒支青年隊,他向大眾交代近況:「依家踢咗半年,比賽機會多,基本上場場正選,15場踢咗12場,雖然冇入波但有2個助攻,踢得幾開心,不過暫時未知球隊選擇畀我留低定係返番牛津聯。」問到未來會否回流香港,他表示目前未有這個打算:「自己都幾鍾意繼續留喺歐洲,未必會返嚟住,留得幾耐得幾耐,現時淨係想多啲比賽機會,呢半季都幾滿意,希望下季都可以踢多過10場。」

去年入選香港隊東亞錦標賽初選名單,但其後稱傷退隊的戴偉浚向球迷解釋當時情況:「嗰陣啱啱好番未比番賽,港隊冇問情況就send短訊嚟話我入選咗,但跟住自己練番波冇耐又傷過,復發咗幾次。同埋嗰時牛津聯未肯定個位置,唔係咁想離開,原本想留低爭個位踢,之後有幾場盃賽想爭取機會,但傷咗踢唔到。」

周五(17日)兩名東方小將獲得前往英國試訓的機會,曾在彼邦落班的「Tsun Dai」向兩位青年球員分享心得:「對佢哋嚟講係一個好好嘅經驗,好多人話喺英國踢波會備受歧視,但最緊要係做好自己先。同埋都要盡量試吓融入當地人嘅文化,越早融入越好,融入到教練同球員都會信你多啲。」